وجه محسن صالح رئيس لجنة التخطيط السابق في النادي الأهلي، طلبًا عاجلًا للكابتن محمود الخطيب، رئيس النادي الأهلي، بعد نهاية مباراة الفريق مع إنتر ميامي الأمريكي بالتعادل السلبي بين الفريقين في افتتاح كأس العالم للاندية.
ووقع الأهلي في فخ التعادل السلبي مع نظيره إنتر ميامي الأمريكي في المباراة التي جمعت بين الفريقين صباح اليوم الأحد في تمام الساعة الثالثة.
وقال محسن صالح في تصريحات تليفزيونية عبر برنامج «اللعيب» مع الإعلامي مهيب عبدالهادي:«بطلب من الكابتن الخطيب التدخل بشكل عاجل لغاية الأهمية بسرعة علاج مشكلة كثرة النجوم في الفريق».
وتابع:«كثرة النجوم دي تخليك لازم تعمل توليفة مع هذا العدد الكبير، أكيد في ناس هتبقي برا ومش هتشارك، وهنا اللي لازم تعمله، هو أنك تهيأ نفسيًا اللي قاعد برًا قبل اللي جوه وهيشارك، تهيأه أنه مش هيبدأ الماتش دا عادي».
وأكمل:«طبعا دي محتاجة معالجة من الجهاز الإداري قبل الفني، ولازم نقعد مع اللاعيبة واحد واحد وتقوله أنت هنا في الأهلي وفي عقد مش بيقول لازم تشارك في كام مباراة، ولازم نكون في لائحة وعقوبات مغلظة جدا جدا، أنا لاحظت دا مع إمام عاشور وبن شرقي».
