شن محمد أبوالعلا، نجم الزمالك السابق، هجومًا كبيرًا ضد منتقدي نادي الزمالك عبر وسائل الإعلام في الفترة الأخيرة.
وقال أبوالعلا في تصريحات تليفزيونية عبر قناة الزمالك:«في ناس في الفترة الأخيرة بقت بتستخدم أسلوب الردح والكيد، ودا بيرتبط عندنا بكيد الناس».
وتابع:«دا أسلوب عيب، ومينفعش يطلع منكم يا كبار، واحد شعره شايب وطالع يتكلم عن الزمالك، دا غير طبق أسلوب الكيد في الصفقات وغيره».
وأضاف:«تخيل بتتكلموا كدا رغم كل المصايب وإيقاف القيد ورغم الفارق الكبير في الظروف والإمكانيات بينا وبينكم،ولسا برضه الزمالك شاغلكم كدا، هو أنا بقيت في دماغك قوي؟ هو الزمالك متعب للدرجة دي».
واكمل:«الزمالك لو وقف على حيله بجد هتعمل إيه؟ لو خد فرصته العادلة هتعمل إيه؟ عيب لما تبقى شايب وشعرك أبيض وتقول كلام مفيهوش احترام ولا وقار».
واختتم أبوالعلا: «أنا كل اللي بعمله إني بحاول أقف على رجلي وأبني المستقبل، ومع ذلك فيه ناس مش قادرة تستحمل ده، كل واحد يبص لنفسه الأول قبل ما يرمي كلام على الزمالك، احترموا نفسكم ككبار بجد».
