علق عصام الحضري حارس مرمى النادي الأهلي السابق ومنتخب مصر، على مطالبات البعض بـ مشاركة مصطفى شوبير حارس مرمى الأهلي بدلًا من محمد الشناوي، لتراجع مستوى الأخير قبل بطولة كأس العالم للأندية 2025.
وقال عصام الحضري خلال تصريحات عبر شاشة «القناة الأولى»: «ترديد اسم مصطفى شوبير ومطالبات إنه يشارك مع الأهلي بدلًا من محمد الشناوي ده في حد ذاته نجاح كبير لـ شوبير، ويدينا دلاله إنه بيتمرن كويس وعايز ياخد فرصة، الشناوي حارس مرمى النادي الأهلي ومنتخب مصر عن جدارة».
وأضاف: «شوبير لما بتجيله الفرصة بيثبت أنه قدها، وهو من حراس المرمى القريبين لـ قلبي وبقولها علني، وبحبه رغم خلافاتي مع شوبير الكبير، ممكن أكون مبحبوش وهو مبيحبنيش بس دي حاجة متفرقش معايا».
وتابع: «بحب مصطفى شوبير كـ حارس وشخصية وبيثبت للناس إنه لما بتجيله الفرصة بيبان بشكل كويس وعلى مستوى عالي».
