علق مصطفى عفروتو، نجم الأهلي السابق، على خسارة الفريق الأول لكرة القدم بالنادي الأهلي أمام بالميراس البرازيلي، في بطولة كأس العالم للأندية.
وتعرض الأهلي للخسارة أمام بالميراس، بهدفين دون رد، في المباراة التي أقيمت بينهما مساء الخميس، ضمن مباريات الجولة الثانية من بطولة كأس العالم للأندية.
وكتب عفروتو، عبر صفحته على موقع التواصل الاجتماعي «فيس بوك:»إحنا بعاد قوي عن كرة القدم بجد فنيًا وبدنيًا وخططيًا وكل حاجة الموضوع ملوش علاقة بأهلي أي أي نادي تاني، بس للأسف هو ده نتاج القرف اللى بنشوفه من المنظومة كلها«.
وأضاف: «وياريت بتوع الإعلام بطلوا نفخ في اللاعيبة واحنا اصلا على الله حكايتنا الموضوع كله مش فني بس لما صلاح اتكلم عن العقلية زمان كله اتريق عليه ومسبهوش وقعدنا نتريق على كلامه بس طلع هو بس اللي سابق بكتير واحنا هنا مش فالحين غير في السقطة واللقطة ونطلع نقطع ومبنعالجش مشاكلنا».
