حذر الإعلامي أحمد شوبير، جماهير النادي الأهلي من الهجوم على اللاعبين، والانسياق وراء المحرضين، بعد الخسارة من بالميراس البرازيلي في كأس العالم للأندية.
وتعرض الأهلي للهزيمة أمام بالميراس البرازيلي بثنائية نظيفة، في المباراة التي جمعت بين الفريقين في الجولة الثانية من مرحلة دور المجموعات ببطولة كأس العالم للأندية 2025.
وقال شوبير في تصريحات عبر قناة الأهلي: «ازعل واتضايق واغضب، لكن إياك تنساق خلف المغرضين، لأنهم مش بيحبوك، والله العظيم لو فاز الأهلي تلاتة صفر كانوا هيقولوا بالميراس إيه وكأس العالم إيه؟، والناس اللي في أمريكا بيعملوا إيه، وهيطمس الفوز بتاعك».
وتابع: «اللي أنا محتاجه حاليًا سواء فوزنا أو خسرنا ميهمنيش التأهل، المهم الأهلي يكسب بورتو مش هنستني حسابات خالص، اللي أنا عايزه من اللاعيبة ينزلوا يموتوا نفسهم، وبعدين تريزيجيه ماله دا لعيب عالمي، حد يطلع يقولك بن شرقي مش أساسي إيه، ما كل النجوم في العالم ضيعوا ضربات جزاء، وإذا كان تريريجيه شاف نفسه في مباراة خلاص خلصنا، مش هنقعد نتكلم فيه كتير».
وأكمل:«لكن أنت رايح تنساق ورا اللي بيكرهك، يا راجل دا أنت كل ما تكسب باسكت يقولك أصل الاتحاد السكندري، تكسب يد يقولك أصل مش عارف إيه، كل حاجة يرد عليها، هو كدا مبيحكبش، هو كدا مش عاجبه حالك».
