سخر الإعلامي عمرو أديب، من محمد هاني لاعب الفريق الأول لكرة القدم بالنادي الأهلي، بعد هدف بالميراس الثاني في مرمى الفريق في كأس العالم للأندية 2025.
وتعرض الأهلي للهزيمة من بالميراس بثنائية نظيفة في المباراة التي جمعت الفريقين في الجولة الثانية من مرحلة دور المجموعات لبطولة كأس العالم للأندية.
وقال عمرو أديب في تصريحات تليفزيونية عبر برنامجه «الحكاية»: «معقولة أحنا ضعاف أول كدا، العيال تخبط فيك بتوع بالميراس توقع، وعلى فكرة دا مش اشتباك هما عندهم لياقة جديدة في الاشتباك، كل ما يخبطوا في الأهلي يقعوا، مفيش صحة عند المصريين كلهم».
وتابع: «محمد هاني خلاص مفيش، أنت مش قادر، أنت خبطت في أوتوبيس في الملعب في الهدف التاني، أنت خلاص مبقاش فيك صحة ولا قادر تجري ولا تمشي، حاول بقا مفيش ولا الهوا».
