فتح الإعلامي عمرو أديب، النار على ياسر إبراهيم، مدافع الفريق الأول لكرة القدم بالنادي الأهلي، بسبب تنمره على الأرجنتيني ليونيل ميسي، نجم فريق إنتر ميامي الأمريكي، خلال مباراة الفريقين في بطولة كأس العالم للأندية.
وقال عمرو أديب، في تصريحات تلفزيونية عبر فضائية «ام بي سي مصر»: «أنا على فكرة اتضايقت جدًا من لاعب النادي الأهلي اللي كان بيتنمر على ميسي (ياسر إبراهيم)، ده مش سلوك رياضي، اللعيب ده لو كان بيتنمر عليه ويقوله انت قصير، طيب وانت طويل عملت إيه؟ انت عارف ده مين».
ميسي مع ياسر ابراهيم في مباراة الأهلي وانتر ميامي – صورة أرشيفيةوأضاف: «أنا عملت 3 انترفيوهات مع ميسي، انت قدام حالة غير طبيعية، أنا لو أحكيلك ده مين كإنسان، أنت قدام شيء خارق للعادة، مين أنت إنك تشاور لميسي أنه قصير، هما الطوال عملوا إيه؟».
وأتم عمرو أديب، تصريحاته قائلًا: «اللي عملته عيب، الرياضة سمو وعلو ، الرياضة أخلاق وأدب، ميسي ورونالدو، مش حاجة بسيطة عملوا أرقام، هتقعد انت والنادي بتاعك 100 سنة مش هتعملوا ربع أرقامه، أهم شيء الاحترام»،
