وجه وليد صلاح الدين، نجم النادي الأهلي السابق، رسائل لـ مهاجمي النادي الأهلي بسبب أدائهم في مباراة بالميراس الماضية في كأس العالم للأندية 2025.
وقال وليد صلاح الدين في تصريح تليفزيوني عبر شاشة «أون سبورت»: «عايز أوجه رسالة للاعبي النادي الأهلي، لازم يبقوا عندكم جرأة هجومية أكتر من كدة، مفيش ولا لاعب عايز يعمل حاجة مهمة غير أشرف بن شرقي لما نزل».
وأضاف: «أول تواجد للنادي الأهلي وتهديد على مرمى بالميراس كان من خلال بن شرقي لما عدى وسدد، وكرة تانية عمل تمريرة مؤثرة، لازم يبقى في جرأة على المرمى، انت مغلوب 2-0 ولازم ترجع للماتش».
مباراة الأهلي وبالميراس ببطولة كأس العالم للأنديةوتابع: «الطريقة اللي أنا أفضلها يكون فيها أشرف بن شرقي أساسي، ولازم الأهلي يكسب بنتيجة كبيرة على أمل إن بالميراس يكسب إنتر ميامي حتى لو واحد صفر».
