هاجم إبراهيم المنيسي، رئيس تحرير مجلة الأهلي، ومقدم برنامج «ملك وكتابة» عبر قناة النادي، أحمد حسام ميدو، عضو لجنة التخطيط بنادي الزمالك.
جاء هذا بعدما انتقد ميدو لاعبي الأهلي عقب الخسارة من بالميراس الأخيرة بكأس العالم للأندية، في تصريحات تلفيزيونية عبر إحدى القنوات السعودية، مشيرًا إلى أنهم ظهورا وكأنهم يفتقدون لأساسيات كرة القدم.
وعلق المنيسي أولًا بعنوان: «هل نسلم الأهلى الآن إلى ميدو وأمثاله؟».
وقال المنيسي عبر قناته على منصة «يوتيوب»: «هل هنسلك الأهلي لأعداء الأهلي؟ ده سؤال، جمهور الأهلي من حقه وده من حق الأهلاوية فقط لأنه غضب نبيل».
وأضاف: «لكن الناس اللي مستغله الظروف، عشان يطلع واحد يقولك هو ده المستوى الحقيقي للأهلي ولاعيبته الأهلي معندهاش أساسيات الكورة».
وأكمل: «بصوا الناس اللي عندها الرغبة إنها تكسرك خالص. اللاعيبة أها فيهم اللي قصر وأخطأ وفي ظروف موضوعية في الملعب بلا شك، وحالة بدنية قاسية، وأسباب تناقش وأخطاء وسلبيات تتعالج أو نتكلم فيها ويكون في كشف حساب».
وتابع: «الأهلي مصلحته فوق الجميع، بس الأهلي للأهلاوية، لما حد يدخل يستغل الوضع ده ويبدأ التكسير إن اللاعيبة دي معندهاش أساسيات الكورة».
وزاد: «يعني عايزين تقولولي إن اللي مجروحين ومعيطين من رحيل زيزو لما يروح الأهلي يبقى معندوش أساسيات كورة؟!، اللي كانوا بيقولوا أحسن لاعب في مصر».
واستطرد: «إمام عاشور اللي كان بيقولوا أفضل لاعب وهو فعلًا وأفضل لاعب في أفريقيا، وقوام المنتخب من الأهلي، يقولك معندهمش أساسيات الكورة».
كما أضاف: «ده ملوش علاقة بغضب الجماهير والغضب ده النبيل المشروع، لكن غير جمهور الأهلي ده مش مسموح له».
