رد إبراهيم المنيسي، رئيس تحرير مجلة الأهلي، ومقدم برنامج «ملك وكتابة» عبر قناة النادي، على شماتة جماهير الزمالك، بسبب تراجع نتائج الفريق في كأس العالم للأندية.
ولعب الأهلي مباراتين في كأس العالم للأندية، تعادل في الأولى أمام إنتر ميامي سلبيًا، وخسر في اللقاء الثاني أمام بالميراس بهدفين دون رد.
وقال إبراهيم المنيسي عبر قناته على منصة «يوتيوب»: «امبارح عمرو أديب، ودي رسالة للشامتين في الأهلي، الناس اللي بتشوي درة قالهم إنتوا بتعملوا إيه بتحفلوا على الأهلي وهو بيتكلم على بتوع الزمالك».
وأضاف: «طيب الأهلي في حاجة وأنتم مش فيها، أنتم هنا بتتفسحوا وتشوا درة وتتكلموا على الأهلي، بأمارة إيه أنت حالك أنت عامل إيه، اللي يكلمني ويتكلم عليا حد في المستوى ده».
وأكمل: «لكن الناس تعتقد أن تنتهز الفرصة بتاعت البطولة والوضع اللي الأهلي اتحط فيه عشان تكسر في الفريق وتحرض الجمهور وتسخن الأجواء وتقلل من القيمة، لا».
وتابع: «الأهلي في مكان كبير جدًا اسمه وصورته وشعبيته وجماهيره اللي في كل مكان، حجم استثماراته فرص حضوره في المناسبات الكبيرة والقيمة السوقية، كل ده علامات مكانة كبيرة للأهلي والجايات أكثر».
