أثار الإعلامي خالد الغندور الجدل بشأن صفقات النادي الأهلي الجديدة، وسط تقارير قرب إنهاء القلعة الحمراء من ضم أشرف بن شرقي، لاعب الريان القطري.

وقال خالد الغندور، في تصريحات عبر إذاعة «أون سبرت اف ام»: «النهاردة ممكن تسمعوا خبر انتقال أشرف بن شرقي للأهلي. ناس بتقولك إزاي، ويعتبر صدمة للزملكاوية».

وأضاف: «الأهلي ضم إمام عاشور، والكلام عن زيزو ودلوقتي أشرف بن شرقي اللي سمعناه في الإعلام، ومش بعيد تسمعوا مصطفى محمد راجع من نانت للأهلي».

وأكمل: «من حق النادي الأهلي يشوف المفيد لفريقه، من حق الأهلي واي نادي يشوف المفيد لفريقه«.

وتابع: «إمام عاشور كان بيعيط لحبه للزمالك ودلوقتي بيعيط لحبه للأهلي. خلاص يا جماعة انسوا الأفكار دي، دلوقتي اللاعب بيفكر في الفلوس والمجد والشهرة».

وزاد: «الأهلي نادي شعبيته كبيرة وأي لاعب بيروح عنده بيكبر، وبيكون في إعلانات وقوة وفلوس، والأهلي ملتزم في ده كمان».

ذات صلة