هاجم كريم عبدالحق، أحد أبناء قطاع الناشئين في نادي الزمالك مساء اليوم الإثنين، عبدالواحد السيد، مدير الكرة السابق بالقلعة البيضاء، مضيفًا بأنه سوف يتقدم بشكوى ضد الفارس الأبيض.
قال كريم عبدالحق، في تصريحات عبر فيديو على موقع «تيك توك»: «أنا كنت لاعب في قطاع الناشئين بنادي الزمالك وتم تصعيدي للفريق الأول لمدة موسمين، ومكنش في عقد بيني وبين النادي، وكنت أحصل على راتب 800 جنيه شهريًا، وساعات مفيش فلوس أصلًا».
وأضاف: «ولما تم تصعيدي كان فيريرا المدرب، وكان في فرصة أشارك، بس متكتبليش عقد برضو وبدون سبب واضح، وبعدها أوسوريو تولى المهمة الفنية، وصعدت معاه برضو وكان مقتنع بيا، لكن برضو بدون عقد وأنا كان عندي 22 سنة وقتها، وكمان مغترب».
وتابع: «وبعد كدة روحت سيراميكا كليوباترا علشان تم إلغاء سني في نادي الزمالك، وعبدالواحد السيد كلمني وقالي ارجع لنادي الزمالك دلوقتي أوسوريو عايزك، وهنعملك عقد، وسيبت سراميكا ورجعت ووقعت على بياض، وعبدالواحد السيد قالي عقدك قمته مليون جنيه».
وأوضح: «كنت مبسوط وقتها جدًا، وتم قيدي بالفعل، وفضلت 3 شهور من غير فلوس، وبعدها حصلت على 130 ألف جنيه، ثم رحل أوسوريو، وجاء معتمد جمال وقالي موقفك في يد الإدارة، وعبدالواحد السيد كلمني تاني وقالي مش هتستمر معانا وشوفلك إعارة، وجالي نادي الداخلية لكن تجاهل الأمر وقولتله كدة انت بتؤذيني».
بينما اختتم لاعب الزمالك قائلًا: «ثم كلمني من جديد وطلب مني الحضور للنادي وقالي هتروح الترسانة وانتقلت بالفعل، وقالي اتنازل عن أموالك، أو قاضينا ولم أحصل على مستحقاتي ومكنش بيرد عليا نهائي، عبدالواحد السيد ضيع مستقبلي، عايز حل لمشكلتي، وهقدم شكوى ضد نادي الزمالك».
اقرأ أيضًا:
1- 4 أسماء.. جون إدوارد يستقر على أول الراحلين من الزمالك
2- بعد توصية الجنايني.. فرمان إدوارد ينقذ نجم الزمالك من الإطاحة
3- سيف الجزيري يرفع راية العصيان في الزمالك.. ويرفض اقتراح مجلس لبيب (تفاصيل)
4- غضب أيمن الرمادي من الزمالك بسبب مكافأة كأس مصر (تفاصيل)
