شن رضا عبدالعال نجم الأهلي والزمالك ومنتخب مصر السابق هجوما على تعديلات قانون التحكيم بسبب هدف مانشستر سيتي الأول في مرمى الهلال والذي جاء بعد لمسة يد من لاعب السيتي.
وقال رضا عبدالعال في فيديو تم بثه عبر حسابه الشخصي على منصة إكس: «النهاردة فرقة الهلال بتدي دروس في أساسيات الكرة، واتظلموا في الهدف الأول، ولو القانون بيقول إن الهدف ده يتحسب يبقى قانون أيه ده، قانون أيه اللي بيقول إن الراجل يلمس الكورة بإيده وتتحسب جون؟».
وأوضح رضا عبدالعال: «مش لمسة اليد دي استفاد منها لاعب السيتي وسجل منها، ويقول لك القانون بيقول كده، قانون أيه ده؟، لو فيه قانون زي كده يبقى اللي عامله جاهل ومعندوش فكرة ولو شفته هديله قلمين ده الراجل عامل الكرة بأيده، لا والغريبة الحكم مارحش للفار، طيب مروحتش للفار ليه مش عارف».
