شن جمال عبدالجميد نجم الزمالك السابق، هجومًا ناريًا على إمام عاشور نجم النادي الأهلي، بسبب أفعاله ضد الزمالك منذ انضمامه للقلعة الحمراء، مشيرًا إلى أن كل حركات إمام مكايدة في الزمالك.
وقال جمال عبدالحميد في تصريح تليفزيوني عبر شاشة «إم بي سي مصر»: «إمام عاشور لعيب كويس جدًا جدًا بس مش زي جمال عبدالحميد، أنا عمري مغلطت في النادي الأهلي».
وأضاف: «إمام عاشور بيغلط طبعًا في نادي الزمالك، وبيتعمد إنه يكيد الزمالك وجمهوره، على الرغم من إن جمهور الأبيض بيحبه جدًا، والزمالك هو اللي عمله بعد ربنا سبحانه وتعالى».
وأكمل: «كان ممكن الزمالك يقوله لأ مش هتحترف وكان هيجدد غصب عنه، فاحنا اديناله فرصة للاحتراف، وكان بنعمل حاجة للعيب أخلصلنا».
وأردف نجم الزمالك السابق: «إمام عاشور لم يطلب العودة للناس الأبيض، وهو طالع للاحتراف معروف أنه راجع على الأهلي، وكان ماضي وواخد فلوس كمان».
وزاد: «إمام عاشور كان ممكن يكون أحسن لعيب في مصر، ويلعب في المنتخب أساسي، لو كان حافظ على اللي هو فيه دلوقتي، يلعب في الأهلي براحته ولكن يحترم جمهور الزمالك».
وأتم جمال عبدالحميد تصريحاته قائلًا: «كان ممكن الجمهورين يحبوا إمام عاشور، ويخلوه فوق السما، ولكن مرة يقول البنت بيضا، ومرة ينفخ بلونة بيضا وبيقول لـ بنتي طب لو لبنتك زي ما بتقول هل هتدوس على بنتك».
