انفعل جمال عبدالحميد، نجم الكرة المصرية السابق، على مروجي الشائعات من رموز ومسؤولي النادي الأهلي السابقيين حول واقعة إصابته مع الفريق، وسبب عدم عودته بعد تعافيه من الإصابة.
وقال جمال عبدالحميد في تصريح تليفزيوني عبر شاشة «إم بي سي مصر»: «إحصائياتي وأرقامي مع النادي الأهلي في 6 مواسم لعبت فيها كنت الهداف والأفضل، أنا واخد 5 دوري، و2 كأس مصر، وبطولة إفريقيا».
وأضاف: «ليه لما اتصابت طلعت عليا إشاعات أني بسهر وبتدلع ومش بتمرن كويس، ولو الأهلي مش عايز لاعب بيكون عايز يبطله كورة زي حسام عاشور، وزي ما كان هيحصل مع علي معلول لولا أنهم خافوا يحصل زي ما حصل معايا ويتألق مع الزمالك».
وأكمل: «لو أنا فعلًا كنت بسهر وبهلس، إزاي لعب 10 سنين مع الزمالك وكنت أحسن لاعب في مصر، وإزاي كنت كابتن منتخب مصر في كأس العالم وأنا بهلس».
وأردف: «اللعيب الوحش اللي بيسهر وبيهلس وبيخرج مع بنات، وكمان في حالتي دي عضمتين مكسورين ومسامير، إزاي لعبت كل السنين دي».
وواصل: «أنا هقابل كل الناس في النادي الأهلي اللي طلعوا عليا الإشاعات دي في الآخرة وهقول الناس دول ظلموني، وأنا عارفهم بالأسامي».
