كشف سيد معوض نجم الأهلي والإسماعيلي السابق، عن موقفًا طريفًا مع محمد بركات نجم الأهلي والإسماعيلي السابق، في بداية مشواره الكروي بالدراويش.
وقال سيد معوض في تصريح تليفزيوني عبر شاشة «إم بي سي مصر»: «الناس كلها عارفة إن بركات بيشرب سجاير من وهو عنده 9 سنين، فأنا أول ما رحت الإسماعيلي كنت لسه لاعب شاب عندي 19 سنة ومتدين، استقبلني محمد بركات وكنت راكب معاه العربية».
وأضاف: «احنا معديين على كشك، بركات قالي معييش سجاير فانزل هاتلي علبتين سجاير أنت لسه ملعبتش غير نص ساعة ومحدش يعرفك لكن أنا لو نزلت هتبقى مشكلة».
وأكمل سيد معوض: «بالفعل نزلت، وقولت علشان أتاكد أن صاحب الكشك ميعرفنيش طلبت من عنده حاجات كتير جبنة وبسطرمة وهكذا، واتطمنت لما لقيته مكلمنيش عن الكورة خالص قلت يبقى ميعرفنيش وانا بحاسب قولتله هات علبتين سجاير كمان».
وأتم نجم الأهلي والإسماعيلي السابق تصريحاته قائلًا: «تاني يوم كان في معسكر لقيت مدير الفندق بيقولي لما تبقى عاوز سجاير قولي، ونزلت التمرين لقيت لاعب بيقولي مش من أولها كدا لما تبقي عاوز سجاير قولي، ولقيت إسماعيلية كلها عرفت».
