كشف محمد الدماطي عضو مجلس إدارة النادي الأهلي، عن كواليس لقاءه الأول مع محمود الخطيب رئيس النادي، وحلم بناء استاد الأهلي منذ 8 سنوات.
وكتب الدماطي في منشور عبر حسابه الرسمي على موقع التواصل الاجتماعي «فيس بوك»: «هقول على قصة عمري ما قولتها قبل كدة، أول مرة قعدت مع الكابتن محمود الخطيب على الانتخابات كان في يوليو 2017، كان اللائحة الاسترشادية نزلت وأعلن أنه هاينزل انتخابات، أنا اللي بادرت بالمكالمة وعملت بريزنتيشن كاملة عن نقدر نعمل إيه في النادي، وكيفية تنمية الموارد، عملت الكلام دة وأنا مجرد مشجع بيحلم إنه يكون موجود في قائمة محمود الخطيب».
وأضاف: «المهم بعد ما خلصت قولتله أنا شايف عشان الناس تصدق كل الوعود الانتخابية دي لازم نقول إن استاد الأهلي هيبقي صعب في المرحلة الحالية ومنقدرش نوعد بحاجة عنه، كان ماشي معايا طول القعدة كويس ومبسوط لحد الحتة دي، رد عليا بزعل، بس دة حلم الناس كلها وحلمي أنا شخصيا، مقدرش أبدا احبط الناس وأن شاء الله هنعمله».
وأتم الدماطي: «على مدار السنين اللي فاتت عمر ما الحلم ده غاب عن الخطيب وكان على طول مركز في تحقيقه، ودة بيعكس قد إيه الاستاد كان الهدف الأكبر، وإن شا الله 4 سنين من النهاردة يبقي حاضر أول مباراة على الاستاد الجديد كرئيس للنادي الأهلي».
