كشف أيمن أشرف لاعب فريق كرة القدم الأول بنادي البنك الأهلي الحالي، والأهلي السابق، عن كواليس جديدة تخص أزمته مع مارسيل كولر مدرب الأحمر.
وقال أيمن أشرف لاعب الأهلي السابق خلال تواجده ضيفا ببرنامج «أون تايم سبورتس»: «ممكن يكون في مدرب مش مقتنع بيك فيتم استبعادك من الماتشات، أو يتم استبعادك بسبب مشكلة شخصية معاه».
وأضاف: «السنة اللي فاتت أنا حبيت أثبت لنفسي حاجة، ولعبت 28 مباراة، وبقول لنفسي ليه ما أرجعش منتخب مصر». مشيرا: «أزمتي مع كولر؟ اللي عرفته بعد لما مشيت من الأهلي، إن في حد اتكلم عليا في ضهري بطريقة مش كويسة، وممكن يكون اتكلم عليا بطريقة غير مباشرة، لكن الراجل خد بالكلام ده».
وتابع: «ممكن يكون أسلوبي ما عجبش كولر في بعض الأمور، أنا مثلا لاعب كبير وقديم في الأهلي، فا ممكن مثلا لو بوجه لاعب أصغر مني في السن، فكولر ممكن يكون فهم التصرف ده بطريقة مش كويسة».
