تحدث حمادة الروبي، نجم منتخب مصر لكرة اليد السابق، مساء اليوم الإثنين، عن مواجهة الفراعنة المرتقبة أمام فرنسا في إطار منافسات كأس العالم 2025، المقام حاليًا في دول كرواتيا والدنمارك والنرويج.

الروبي: 4 عوامل تقلق مصر قبل مواجهة فرنسا.. وهذه نقطة ضعف الديوك

وأضاف: «وصولنا إلى الدور ربع النهائي إنجاز كبير، رغم الإصابات وكلهم محترفين في أوروبا، وكمان معندناش تغيير على الدكة، وهناك فارق واضح بين اللاعب المصري المحترف والمحلي، يحيى خالد وعلي زين مش بيرتاحوا خالص».

وتابع الروبي: «لو يحيى الدرع ومهاب سعيد وحسن وليد قداح موجودين كان هيكون في فرق كبير، وكنا نقدر نجيب ميدالية لو مكنش عندنا إصابات، لكن الوصول لربع النهائي إنجاز كبير رغم الإصابات».

وأكمل: «إن شاء الله مجهودهم يتكلل ونفوز غدًا، لإنه ماتش صعب علينا، وفرنسا بقالها 30 سنة بتنافس على الذهب في بطولة العالم، والمباراة مفيهاش قسمة على 2، والأخطاء لازم تكون قليلة بكرة، واتمنى فوز منتخبنا».

وواصل: «بداية مباراة مصر وفرنسا هتفرق جدًا، وخصوصًا توفيق خط الدفاع وحراسة المرمى، عشان نفضل ننافس لحد آخر دقيقة».

وزاد الروبي: «لازم يكون في تدوير أمام فرنسا بمركز حراسة المرمى، ولو في توفيق نسيب الحارس يكمل، بس في نفس التوقيت لازم يرتاح 5 دقائق على الأقل، علشان الحارس يفصل ويكون موفق في باقي المواجهة».

وأتم: «شايف إن حراس فرنسا الحاليين مش أحسن حاجة، بس إحنا إللي بندخل الحارس المباراة زي مواجهة أيسلندا، ورغم كدة الحارس اتكشف قدام كرواتيا، وبداية المواجهة هتفرق جدًا».

موعد مباراة مصر وفرنسا في ربع نهائي كأس العالم لكرة اليد 2025

موعد مباراة مصر وفرنسا في ربع نهائي كأس العالم لكرة اليد 2025 سيكون غدًا الثلاثاء، الموافق 27 من شهر يناير الجاري، وبالتحديد في تمام الساعة العاشرة مساءً بتوقيت القاهرة، والساعة الحادية عشر مساءً بتوقيت مكة المكرمة.

وتستضيف صالة «زغرب أرينا» في دولة كرواتيا مباراة مصر ضد فرنسا ضمن منافسات الدور ربع النهائي من مباريات كأس العالم لكرة اليد 2025.

بث مباشر .. مصر وفرنسا كرة يد و القنوات الناقلة – صورة أرشيفية