عبر أحمد مصطفى زيزو لاعب فريق كرة القدم الأول بنادي الزمالك، عن حبه واعتزازه بجماهير القلعة البيضاء، مشيرا إلى أنه فخورا بحبهم له.
وقال زيزو خلال تصريحات فضائية عبر شاشة «دي إم سي»: «رسالة لجماهير الزمالك؟ جمهور الزمالك عارف أنا بحبه قد إيه، وعارف هما كمان بيحبوني إزاي».
وتابع: «أنا قضيت أحلى 5 سنين في حياتي جوا النادي، ولو النادي وجماهيره مكنش هايبقى في زيزو نهائيا، ولا حتى كنت اترشحت لجايزة الكاف، وحب ورد فعل جماهير الزمالك هو اللي خلاني أتخطى أزمة جايزة أفضل لاعب في أفريقيا».
وأضاف: «بعد ربنا فالجمهور له فضل كبير جدا عليا، ولكني مش بحب مزايدة بعض الناس اللي بتخرج وتقول الزمالك هو صاحب الفضل عليك».
وزاد: «لكن اللي بيزعلني إن في ناس بتسمي نفسها ولاد الزمالك، بتطلع تقول كلام بيكون كل هدفهم إنهم يظهروا على حساب ناس تانية».
