كشف أمير عزمي مجاهد المدرب المساعد لـ كريستيان جروس المدير الفني لفريق الزمالك السابق، مفاجآت مثيرة، حول كواليس رحيل السويسري عن القلعة البيضاء.
وقال أمير عزمي مجاهد خلال تصريحات فضائيبة عبر شاشة «إم بي سي مصر 2»: «كل ما أشيع وقيل إن جروس كان بينسي أسماء لاعيبة الزمالك غير صحيح على الإطلاق، والكلام ده اللي كان وراه ناس من جوا النادي للأسف».
وتابع: «في ناس عاملة نفسها بتحب الزمالك، ولكنها في الأساس متزملكة، ومع الوقت الناس دي هاتتكشف ولو أنا عاوز أقول على أسماء الناس دي هاقول»، مشيرا: «في ناس في الجهاز الفني كانت بتشتكي من جروس لدى مجلس الإدارة، بحاجات مكانتش بتحصل أصلا من جروس».
وزاد: «أنا صعبان عليا جروس، وجروس لما جه كان عارف بس 5 لاعيبة من القوام الحالي، كان أبرزهم عبدالله السعيد».
وأضاف: «اللجان اللي كانت بتكتب كلام وحش على جروس، هي هي نفس اللجان اللي قالت إن جروس منع أحمد سليمان من دخول ملعب النادي».
واستكمل: «جروس قالي كلمة لو الزمالك مكنش معاه جمهور وضعه كان هايبقى صعب جدا جدا».
