كشف أمير عزمي مجاهد المدرب العام السابق بنادي الزمالك، عن مفاجآت مثيرة، شهدها خلال فترة تواجده بالجهاز الفني السابق للقلعة البيضاء، بقيادة كريستيان جروس.
ورحل جروس عن الزمالك بسبب سوء النتائج، ومعه انتهت مهمة أمير عزمي مجاهد، المدرب المساعد له.
وفجر عزمي مفاجآت بالجملة، خلال تواجده ضيفا ببرنامج «الكورة مع فايق»، والمذاع عبر شاشة «إم بي سي مصر 2»، وتطرق خلال حديثه للعديد من الأمور الشائكة.
شدد عزمي خلال تصريحاته الفضائية، على أن الزمالك كان في حاجة للتوقيع مع طارق حامد لاعب الفارس الأبيض السابق وضمك السعودي الحالي، ولكن الاعب رفض طلب الزمالك.
قال عزمي: «الزمالك كان بحاجة للتعاقد مع طارق حامد، في الميركاتو الشتوي الماضي. تحدثنا معه للعودة لصفوف الزمالك، ولكنه رفض حيث يرغب في الاستمرار بالدوري السعودي».
عبر عزمي عن اعتزازه بفترة عمله مع جروس، قائلا: «أنا بدين الفضل لجروس، في اللي وصلت فيه في التدريب، هو اللي حطني على الطريق».
«جروس، وهو ماشي اداني حذاء التدريب الخاص به في شنطة، وقالي أنا بعتبرك زي ابني، خد ده عشان أنا ممكن مدربش تاني».
قال عزمي: «جروس رفض استمرار زياد كمال مع الزمالك، ومكنش مقتنع بيه، وطلب انضمام يوسف أوباما، لنادي الزمالك من بيراميدز بل وكان مصمم على التعاقد معاه».
واستكمل: «بيراميدز، رفض رحيل يوسف أوباما، للزمالك في الميركاتو الشتوي الماضي».
كشف عزمي عن معرفته بخبر إجماع المجلس على رحيل جروس، قبل الإعلان الرسمي، حيث أكد: «قبل مباراة فاركو في الدوري المصري اللي اتلعبت في برج العرب، عرفت إن جروس ماشي خلاص ولو أنا مش حريص على الزمالك كنت قولتله وقتها، لكني استنيت وعرفته، وهو رد فعله كان هادي، وقالي إنه كان عاوز يلاعب الأهلي، علشان كولر كان لاعب في فريقه قبل كدة».
«الكلام على ميكالي والمدربين المرشحين؟ كنت عارف من قبل ما جروس ما يمشي، وطلبت من كابتن حسين لبيب يطلع يوضح للناس الموقف، وقالي بعد يوم 8 فبراير هاطلع اتكلم وده ما حصلش».
تطرق عزمي خلال حديثه، عن ححقيقة وجود خلاف بين محمود عبدالرازق شيكابالا وجروس، وأوضح: «بعد مباراة إنيمبا، شيكابالا كان متضايق شوية، وقفل باب أوضة اللبس، فا أنا خدت جروس وروحنا المؤتمر الصحفي، لكن جروس عرف إنه متضايق، لأنه كان راجل ذكي».
وأردف: «كل اللي أقدر أقوله إني لميت مشكلة كان ممكن تكبر بين جروس وشيكابالا، ولما جروس رجع الأوضة لاحظ إن الدنيا هادية وكله تمام».
وزاد: «تاني يوم جروس قال لشيكابالا انت قائد الفريق، ولو في مشكلة في أوضة اللبس حلها انت».
أكد عزمي خلال ظهوره الفضائي: «كل ما أشيع وقيل إن جروس كان بينسي أسماء لاعيبة الزمالك غير صحيح على الإطلاق، والكلام ده اللي كان وراه ناس من جوا النادي للأسف».
وأضاف: «في ناس عاملة نفسها بتحب الزمالك، ولكنها في الأساس متزملكة، ومع الوقت الناس دي هاتتكشف ولو أنا عاوز أقول على أسماء الناس دي هاقول»، مشيرا: «في ناس في الجهاز الفني كانت بتشتكي من جروس لدى مجلس الإدارة، بحاجات مكانتش بتحصل أصلا من جروس».
وشدد على: «أنا صعبان عليا جروس، وجروس لما جه كان عارف بس 5 لاعيبة من القوام الحالي، كان أبرزهم عبدالله السعيد».
وأكمل تصريحاته: «اللجان اللي كانت بتكتب كلام وحش على جروس، هي هي نفس اللجان اللي قالت إن جروس منع أحمد سليمان من دخول ملعب النادي».
وزاد: «جروس قالي كلمة لو الزمالك مكنش معاه جمهور وضعه كان هايبقى صعب جدا جدا».
وفجر عزمي مفاجأة قائلا: «في سمسار واحد بس اللي هيخلي الزمالك في خبر كان وهيضيع الدنيا، تحس أنه ماسك زلة لسان على النادي».
وكشف: «أنا محدش من مجلس إدارة نادي الزمالك جابني، أنا جروس اللي طلبني بالاسم وقالي تعالى على الملعب، محدش كلمني من إدارة الزمالك حتى قالي تعالي».
