أكد سيد عبدالحفيظ مدير الكرة السابق بالنادي الأهلي، على أن لعيب الكورة ده شخص ذكي، وعنده دراية بالأحداث، وكلام كابتن أحمد سليمان بيقول إن الزمالك بيعاني من الاستقرار والأهلي بيتميز باستقراره الإداري والمالي والفني.
وأضاف عبدالحفيظ في حديثه التليفزيوني عبر شاشة «إم بي سي مصر»: «وضع طبيعي جدًا اللي هيخليني كلعيب أجدد أو اتنقل لـ فرقة، نمرة واحد هيبقى طبعًا اسم الفرقة، والحاجة التانية استقرارها الإداري والفني عشان أضمن فلوسي، وبالتالي القرار هيكون سهل».
وأكمل: «في مصر، ممكن يكون في نادي عنده استقرار مالي، وفي نادي بيكون عنده استقرار مالي وإداري».
وأردف: «في نادي الزمالك، لو دخلت في منافسة تعاقديه مع كابتن أحمد سليمان مش هبقى قلقان أوي كنادي أهلي، وده مش غرور دي توابع استقرار كبير جدًا».
وواصل مدير الكرة السابق في النادي الأهلي: «أنا لو لاعب وهعد مع كابتن سليمان، مش هبقى ضامن هو موجود مع الفرقة ولا لأ، هو في بداية الموسم مشرف على الكرة، وبعدين مشي، وبعد سنة ممكن ميبقاش موجود في الزمالك».
وزاد: «في النادي الأهلي، لو مشي سيد في بيبو، ولو مشي بيبو في كابتن محمد شوقي، والكل ماشي على نفس الوتيرة فبالتالي في الاستقرار والمادة».
