وجه الإعلامي أحمد شوبير، حارس مرمى الأهلي، ومنتخب مصر الأسبق، رسالة إلى السويسري مارسيل كولر، المدير الفني للمارد الأحمر، بعد التعادل مع الزمالك في الدوري المصري.
وقال شوبير في تصريحات عبر قناة «الأهلي»: «الناس زعلانه من نتيجة ماتش الزمالك، بسبب كولر.. كل إللي شاورت عليه جالك ومفيش حاجه نقصاك، وعندك كل حاجة، صفقات وجت ومستحقاتك بتاخدها والهدوء والاستقرار موجود وأوضة اللبس على أحسن ما يكون».
وأضاف: «طب أي المطلوب تاني وليه نضيع كل النقاط دي، والجماهير زعلانه من التعادل مع الزمالك وكان ممكن تكسب بسكور».
وأتم شوبير: «الإدارة مش هتعملك أكتر من كده، جراديشار كان نجم الأهلي، والعش بيقدم مستويات جيد، ومفيش حاجه نقصاك».
وتعادل الأهلي مع الزمالك إيجابيًا، بهدف لكل فريق، في المباراة التي جمعت بينهما أمس السبت، على ملعب استاد القاهرة الدولي، ضمن منافسات الجولة الـ15 من بطول الدوري المصري.
