تصدر مارسيل كولر، مدرب الأهلي، المشهد، خلال الساعات الماضية، بعد التعادل مع الزمالك، في الدوري الممتاز.
وانتهت مباراة الأهلي والزمالك بالتعادل بهدف لمثله، أمس الأول السبت، في الجولة الـ15 من بطولة الدوري، على استاد القاهرة الدولي.
وقال مصطفى عبده، نجم الأهلي، في تصريحات عبر برنامج «الكورة مع فايق»: «كولر معندوش إبداع، ولما بياخد حاجة في دماغه بيلعب بيها».
وأضاف: «محمود الخطيب اتكلم معاه؟ أها اتكلم معاه. الراجل عنده معتقدات غريبة جدًا، معرفش رد عليه قاله إيه».
وأكمل: «الخطيب ناقشه في كل حاجة وفي التغيير. الراجل بيغير في الدقيقة 81 وأنت كسبان لحد الدقيقة 85 ما تنزل اثنين في وسط الملعب».
وتابع: «هو بيتكلم معاه، لكن التاني (كولر) منشف دماغه في حاجات كتير أوي، وعايز يقول أنا اللي بعمل كل حاجة».
