فتحت قناة الأهلي النار على نجم الزمالك السابق، هيثم فاروق بعد تصريحاته المثيرة، بشأن معاناة الأبيض الدائمة وربطها بالأحمر في سياق كلامه.
وقال الإعلامي إبراهيم المنيسي عبر برنامجه «ملك وكتابة» المذاع على قناة الأهلي: «في إطار مولد المزايدات اللي بيحصل، كابتن هيثم فاروق ومجموعة آراء كل واحدة عايزه رد عليه فيها».
ونشرت قناة الأهلي تصريحات هيثم فاروق، والتي ذكر خلالها أن الزمالك كل ما يكون في استقرار وماشي كويس تحصل مشكلة، حل مجلس إدارة، يتسحب منك لاعب، مدرب يمشي، طيب ليه بيحصل معانا؟.
وأضاف: «المشكلة إن مهما عملت هيشتروا تجربتك، يشوفوا بتعمل إيه ويقلدوا، أنت المصدر زي أوجستي مدرب كرة السلة واللاعب والتر هودج، (بيشتروا تجربتك)، أنا عندي فلوس أكتر، وأسأل المسؤولين ليه احنا معندناش فلوس؟!».
ليرد عدلي القيعي، رئيس شركة الكرة بالنادي الأهلي، قائلًا: كابتن هيثم شراينه بتخر دم على مصلحة الزمالك. كل كلامه يترد عليه«.
وأكمل: «كان قاب قوسين أو أدنى من الأهلي وراجع من هولندا على فين؟ّ!»، ليعلق المنيسي: (اللي حصل في المطار ما بلاش يا هيثم)«.
وتابع عدلي القيعي: «ده بيحلوا مجلس الإدارة عشان الاستقرار، مدرب ماشي كويس وبيمشي يروح حتة تانية، ما بيحصل في كل حتة وحصل مع الأهلي، وكارتيرون أنت اخترعته؟!، ولما كسبت الدوري أنت مشيت جروس وكذلك فيريرا، حد خده منك؟!».
