فجر هاني شكري، عضو مجلس إدارة نادي الزمالك، مفاجآة بشأن دراسة مجلس الأبيض استكمال بطولة الدوري المصري الممتاز، بالناشئين بسبب الأخطاء التحكيمية المتكررة.
وقال هاني شكري، في حديثه التليفزيوني على شاشة «أون سبورت»: «تقنية الفيديو عندنا في الدوري مغيرتش حاجة، عكس ما بنشوف في الدوري الإنجليزي أو الإسباني، القرارات سليمة ومش بنشوف الكلام ده».
وأضاف: «مجلس الزمالك مش حابب أن ياخد موقف ناشز ولكن مضطرين، وممكن مكملش الدوري أو ألعب بالناشئين، أصل هعمل في نفسي كدة ليه وأفضل اتعرض لظلم تحكيمي».
وأردف: «مجلس الإدارة بينتاقش في ده.. إية المشكلة!، بدل ما كل ماتش يحصل كدة، لو عايزين تدوا الدوري لنادي معين أدهوله وخلاص، عشان مش هنقبل ده، عايزين نمشي صح».
وأكمل: «اتحاد الكرة أبلغنا أنه بيتم عمل دورات تحكيمية للحكام ومفيش تعمد، وكابتن حسين لبيب كلمهم أكتر من مرة، والأمر واضح للناس كلها».
