فتح ممدوح عباس رئيس مجلس إدارة نادي الزمالك الأسبق، النار، على هاني شكري عضو المجلس الحالي، بسبب تصريحات الأخير.
كان هاني كشري قد قال في تصريحات فضائية عبر شاشة «أون سبورت»: «تقنية الفيديو عندنا في الدوري مغيرتش حاجة، عكس ما بنشوف في الدوري الإنجليزي أو الإسباني، القرارات سليمة ومش بنشوف الكلام ده».
وأضاف: «مجلس الزمالك مش حابب أنه ياخد موقف ناشز ولكن مضطرين، وممكن مكملش الدوري أو ألعب بالناشئين، أصل هعمل في نفسي كدة ليه وأفضل اتعرض لظلم تحكيمي؟».
وأردف: «مجلس الإدارة بيتناقش في ده.. إية المشكلة!، بدل ما كل ماتش يحصل كدة، لو عايزين تدوا الدوري لنادي معين أدهوله وخلاص، عشان مش هنقبل ده، عايزين نمشي صح».
وانتقد عباس ما خرج على لسان شكري، وكتب عبر حسابه الرسمي على «إكس»: «استطيع أن أؤكد أن الزمالك سيستكمل الدوري العام بالفريق الأول ولا مجال للصبيانية في اتخاذ القرارات».
