تحدث إمام عاشور، نجم الفريق الأول لكرة القدم بالنادي الأهلي، عن الفارق بين القلة الحمراء والزمالك، خاصة وأنه لعب بقميص القطبين.
وقال إمام عاشور في تصريحات عبر «بودكاست القلعة الحمراء»: «أنت لعبت في الأهلي والزمالك إحساس مختلف ولا واحد؟ الأهلي بتلعب على ألقاب لازم تاخدها زي بطولة أفريقيا».
وأضاف: «النظام في الأهلي مختلف عن أي فريق أنا لعبت فيه، دي الحقيقة، الواحد مبسوط إنه موجود في الأهلي وسط اللاعيبة اللي موجودة وإنه بيحقق بطولات».
وأكمل: «كانت أمنية حياتي أخد بطولة أفريقيا، ومكملتش 6 شهور في النادي وأخدتها».
وردًا على سؤال سيد عبدالحفيظ، قال إمام عاشور: «أنت ملعبتش القاضية ممكن؟ لا مكنتش مؤيد (في الزمالك). الواحد بيكون مبسوط لما سيرة الأهلي تيجي، ومهما نتكلم عن الأهلي مش هنديله حقه».
وتابع: «الفترة اللي فاتت لولا مساعدة جماهير الأهلي واللي كنت بشوفه ممكن أكون مش في نفس المستوى اللي وصلت له«.
وزاد: «الجمهور مش بيقصر مع حد، وحقهم إنهم يطالبوك دائمًا بالمكسب، ولما بنشوف الدعم ده، لازم تديلهم كل حاجة في الملعب، بشكرهم وعايزنكم في ظهرنا زي ما أنتم ونقدر نبسطكم».
