كشف أحمد عوض، مدافع الفريق الأول لكرة القدم بنادي فاركو، واقعة غريبة بينه وبين أحد المسؤولين في الجهاز الفني لمنتخب مصر.
وقال عوض في تصريحات خلال فيديو متداول عبر وسائل التواصل الاجتماعي: «لقيت رقم حلو ومميز بيكلمني كتير جدا، حد مسؤول بدون ذكر اسمه، وقال لي جايبلك خبر حلو، إنت إن شاء الله بنسبة 90% في المعسكر القادم لمنتخب مصر».
وأضاف: «وشخص تاني في نادي فاركو أكد لي نفس الكلام، وفرحت جدا بالخبر ده، وبعدها لقيت القايمة المبدئية نزلت حوالي 50 أو 60 اسم واسمي اتشال ومش موجود، والموضوع ضايقني جدا».
وواصل عوض تصريحاته: «مع احترامي لكل اللاعبين الموجودين أنا المدافع رقم 1 في مصر، أنا شايف نفسي كده وبشتغل على أساس كده، وده ميمنعش إن في ناس ماشية كويس الفترة الأخيرة زي رامي ربيعة وحسام عبدالمجيد ومحمود مرعي».
وأتم حديثه قائلا: «الفروقات بسيطة جدا بين لاعبي الدوري المصري وعلى مستوى المهاجمين في لاعيبة كويسة والفنش بتاعها كويس بس مفيش ميسي ورونالدو يعني كله قريب من بعضه والمهاجمين المميزين اللي بيجوا مصر مبيكملوش وبيمشوا».
