فجر محمد رمضان، المدير الرياضي للنادي الأهلي، مفاجأة كبرى، تخص مارسيل كولر، المدير الفني للفريق الأول للمارد الأحمر.
وقال محمد رمضان خلال تصريحات تليفزيونية على شاشة قناة «الأهلي»: «مارسيل كولر في البداية كان حذر، قولتله بغض النظر عن المنصب وتزكية محمود الخطيب، الهدف إننا نساعدك على النجاح، ورقم واحد في المنظومة هو المدير الفني».
وأضاف: «لما جيت عايز أجيب محمد شوقي، كان كولر متحفظ شوية وقالي طيب كمل لكأس العالم قولتله اللي هجيبه هفضل معاه طول الوقت لحد ما تقولي امشي وتطمأن».
وأكمل: «لكن أنا معملتش معاه كدة. أنا جبت شوقي وروحت ماشي وده توسم في شوقي، وفي نفس الوقت هجرب شوقي إزاي وأنا موجود جنبه طول الوقت فين التجربة كدة».
وتابع: «لما روحت له بعد الماتش قولت أنا اتفقت معاك اتفاق، لكن أخلفت وده للصالح العام، وكان مبسوط جدًا منه».
