كشف أحمد حسن نجم الكرة المصرية السابق، عن سر خلافه مع الإعلامية ريهام سعيد، بعد تصريحات الأخيرة بشأن أصحاب مرض السمنة، وهو ما أغضب «العميد».
وقال أحمد حسن في تصريحات تليفزيونية عبر برنامج «سابع سما» المذاع على شاشة «النهار»: ريهام سعيد لا تربطني بها علاقة قوية، ولكن تربطنا علاقة مناسبة، ممكن نقابل ونسلم على بعض.
وأضاف: «أنا كتبت بوست كان قاسي عليها وقتها، ولكن مظلمتهاش زي ما قالت هي اللي ظلمت نفسها، وهي اتكلمت بشكل قاسي على السمنة مش نصيحة، وأنا شوفت الفيديو اللي اتكلمت فيه وراجعته».
وأكمل: «ولدتي رحمها الله كانت من الستات السمينة، ف ليه تتكلمي على الناس بالشكل ده، لو عايزة توجهي نصيحة وجهيها بشكل كويس».
وأردف أحمد حسن: «طريقتها كان فيها نوع من أنواع الحدية، قالت انتو إزاي مستحملين نفسكم كدة، مش نصيحة».
وأتم أحمد حسن تصريحاته قائلًا: «أنا نزلت صورة مع ولدتي وقتها وقولت أهيه ست من الستات السمينة، وطلعت شخص ناجح، وغيرها كتير طلعوا دكاترة ومهندسين وظباط وعلماء وغيرهم، ولكن أنا هطلع أحسن منها واطلعها سابع سما».
