كشف أحمد مرتضى منصور، عضو مجلس إدارة نادي الزمالك السابق، عن كواليس خلافة مع محمود عبدالرازق شيكابالا قائد فريق الكرة بنادي الزمالك، في وقتٍ سابق.
وقال أحمد مرتضى منصور، في تصريحات تليفزيونية عبر شاشة «هي»: «حصلت مشكلة عشان أنا كنت عضو مجلس إدارة الزمالك، وشيكابالا طلب السفر إلى البرتغال، وكان نادي الزمالك هيستغنى عنه مقابل التنازل عن راتبه مع النادي».
وأضاف: «اتكلمت وقتها مع المدير المالي لـ نادي الزمالك، وقالي شيكابالا ملوش فلوس عند النادي، ده عليه فلوس من فترة تولي ممدوح عباس كرئيس للزمالك، بسبب مشاجرة شيكابالا مع المدير الفني السابق للأبيض حسن شحاته».
وأكمل عضو مجلس إدارة الزمالك السابق: «ضغطت على شيكابالا إنه ميمشيش ببلاش، وهو كان عايز يمشي لإن القيد هيقفل الساعة 12 بليل، وجالي شيكا مع أمير مرتضى منصور كوسيط ليه، وكان الأمر صعب ما بين مصلحة النادي ومصلحة صاحبي، لإني كانت بتربطني علاقة كويسة مع شيكابالا وكنا بنخرج سوا».
وأتم أحمد مرتضى منصور تصريحاته قائلًا: «أكتر واحد وقف جنب شيكابالا، كان مرتضى منصور وأمير مرتضى».
