هاجم مرتضى منصور، رئيس نادي الزمالك السابق، مجلس إدارة القلعة البيضاء الحالي، برئاسة حسين لبيب.
وقال مرتضى منصور في تصريحات عبر «منصة ديوان الملا» العربية، عن المجلس الحالي: «دول من سنة فزت عليهم، وثاني سنة اكتساح الانتخابات، والنادي اتباع لممدوح عباس».
وأضاف: «أروح أدي لاعب 50 مليون خارج عقده، و80 مليون في السنة، وعندي لاعب اسمه دونجا بياخد 6 مليون، وعبدالله السعيد بياخد 7 أو 8 مليون».
وأكمل: «مين اللي جايب زيزو؟ أنا اللي جايبه وأمير مرتضى منصور، قولت له ده لاعب مغمور، وقالي على مسؤوليتي».
وأكمل: «أنت النهاردة عايز تجدد، كنت جددت له بعد الكونفدرالية، اللي كلنا عارفين اتاخددت إزاي، وكلنا عارفين أنت كسبت الأهلي مرتين إزاي، عشان ميتقالش مرتضى لما مشي، اللجنة دي عمالة تخسر، لكن هما خسروا 35 بطولة في 6 أشهر».
