شدد إبراهيم نور الدين الحكم الدولي السابق، على رفضه لفكرة محاولة شراء ذمة حكم، عن طريق الرشاوي، مشيرا إلى أن الحكام المصريين لا يقبلون بهذا الأمر.
وقال إبراهيم نورالدين في تصريحات فضائية عبر شاشة «النهار»: «كحكام مصريين بنرفض الرشاوي ومفيش حد بيقدر يتكلم معانا في النقطة دي، والحمد لله إحنا سمعتنا كويسة برا».
وتابع: «حصل معايا أنا شخصيا حاجة زي كدة، كان ماتش مهم وكان معايا محمود عاشور ومحمود أبوالرجال، وإحنا في الأوضة دخل علينا أحد المسؤولين ومعاه شنطة فلوس وأنا ماعدتهاش، وعرض علينا نساعده مقابل الفلوس».
وزاد: «رفضت على الفور وأبلغته إننا ملناش في الكلام ده، وأهديته قميص منتخب مصر، لأنني متعود في السفريات باخد معايا هدايا لزملائي الحكام».
