شهدت الأيام الماضية انتقادات عدة لـ حسام حسن، بسبب اختيارات قائمة منتخب مصر لمواجهتي إثيوبيا وسيراليون، في تصفيات كأس العالم 2026.
وفي هذا الصدد تحدث أحمد دويدار، نجم الزمالك السابق، قائلًا: «حسام حسن عنده اعتقاد إن عمر جابر وعبدالله السعيد وبعض اللاعيبة هما اللي مشوه من بيراميدز».
وأضاف في تصريحات عبر قناة «أون سبورت»: «أنا لو مدير فني أجيب اللاعب حتى لو مش بحبه، خصوصًا لما تكون مدير فني لمنتخب مصر».
وأكمل: «هتلعب بمين في الناحية اليمين، عمر جابر هو أفضل لاعب في المركز ده في مصر، وأكتر واحد ساهم في الأهداف».
وأتم: «احنا بنكون عايزين تشوف منتخب مصر بكواليتي لاعيبة يكون أسرع، كان عندنا مشكلة السنين اللي فاتت إن رتم المنتخب بطيء».
