تسبب حديث ماركو مراد، مذيع قناة صدى البلد، في تقدم نادي الزمالك بشكوى رسمية ضده، للمجلس الأعلى للإعلام صباح اليوم الاثنين.
وكان قد سخر ماركو مراد مقدم برنامج «ملعب البلد» من مجلس الزمالك برئاسة حسين لبيب، بعد أنباء مفاوضات الأهلي مع لاعب ونجم الزمالك أحمد سيد زيزو.
وقال مذيع «صدى البلد» في حلقته: «يا ترى الأهلي فاوض حسين لبيب ولا لسة؟ مش باقي غير ميدو وحسين لبيب، الفلوس هي اللي بتتكلم، لما يكون الكاش حاضر إنساني وخد عنواني، معاك فلوس تساوي فلوس، معاك قرش تساوي قرش».
وتابع ماركو مراد: «هيجيلك من كأس العالم للأندية اكتر من 10 مليون دولار، ممكن تجيب مصطفى محمد أو زيزو، ده غير المحبين زي الاستاذ ياسين منصور وغيرهم من المحبين، الأهلي حاضر بالماديات، هل مجلس ادارة الزمالك ولجنة التخطيط هيسمحوا بانتقال زيزو للأهلي اللي بيمثل كارثة على الزمالك وجماهيره؟».
وأضاف: «ولا هيلحقوا نفسهم بسرعة ويمضوا اللعيبة اللي عليها على كلام؟ لأن الزمالك على حافة الهاوية ومحتاج يقوي الاسكواد، ده النهاردة حسام عبدالمجيد قاله لرامز جلال باخد مليون ونص ورامز كلمه عن الكباري، لازم تلحقوا تظبطوا عقود لاعبيكم، عدلوا عقد حسام عبدالمجيد بسرعة وجددوله ومتسمحوش بوجود شرط جزائي زي ما كنا سامعين».
وأكمل: «الواد كان عاوز يحط مليون دولار شرط جزائي وده رقم أي كلام والاهلي جاب عمر الساعي بـ 50 مليون، لابد من التحرك الجاد للي عاوز يحافظ على أولاده لان هيبقى فيه مشاكل كبيرة جدا للمواسم القادمة».
