علق سيد عبدالحفيظ، نجم النادي الأهلي السابق، على أزمة تأخير قيد علي معلول نجم النادي الأهلي في في قائمة الفريق بعد تعافيه من الإصابة.
وقال عبدالحفيظ في تصريح تليفزيوني عبر شاشة «إم بي سي مصر»: «علي معلول هو أحسن محترف دخل النادي الأهلي قولاً واحدًا، ده بالأرقام وبالرغبة وبالإحساس وبحبه اللي بيقى ظاهر جدًا في المباريات».
وأضاف: «بالتأكيد علي معلول استفاد كتير من النادي الأهلي وهو اللي صنع اسمه، ولكن هو لعيب ملتزم على مدار 6 سنين اشتغلت معاه كمدير كرة في الأهلي مخصمتش منه جنيه».
وأكمل: «أنا بشوف إن القفلة لازم تكون تليق باسم علي معلول وتاريخه مع الأهلي، بمعنى أنه يتبلغ هتكون معانا بقواعد معينة أو مش هتكون معانا».
وأتم سيد عبدالحفيظ تصريحاته قائلًا: «معلول عنده 35 سنة عشان كدة الخطوات للنهاية عند الجماهير من المهم جدًا أن القفلة تكون تليق بـ علي بسبب مكانته الكبيرة عند الجماهير».
