أكد علاء ميهوب، نجم النادي الأهلي السابق، أنه يتمنى عودة رمضان صبحي نجم نادي بيراميدز إلى ناديه الأهلي من جديد، مشيرًا إلى أن وجوده في ظل المجلس الحالي للقلعة الحمراء مش وارد.
وقال علاء ميهوب خلال حديثه الإذاعي في برنامج على «أون سبورت إف إم»: «انا من أكتر الناس اللي عايزة رمضان صبحي يرجع الأهلي، لأنه كان واحد من الناشئين اللي مرنتهم، واستغربت قرار رحيله».
وأضاف: «محدش عارف الظروف وقتها كانت إيه، ممكن يكون فكر ماديًا أكتر، ولكن دلوقتي بتمنى رجوعه للنادي الأهلي».
وأكمل: «معتقدش رمضان صبحي هيرجع الأهلي في ظل وجود المجلس الحالي برئاسة محمود الخطيب، لأن مشي في ظل المجلس ده وبالتالي رجوعه هيبقى صعب ومش وارد».
وأتم علاء ميهوب تصريحاته قائلًا: «رجوع اللاعب بعد رحيله عن النادي مش بتتاخد بعتبرات إنه لاعب جيد فقط، ولكن بيكون في اعتبارات آخرى».
