وجه الإعلامي أحمد شوبير رسالة هامة بعد أنباء إلغاء بند الـ8 سنوات، خلال الفترة المقبلة، ما يعني عدم تمكن غالبة المجلس الحالي من القلعة الحمراء في الترشح خلال الدورة المقبلة، وعلى رأسهم رئيس النادي محمود الخطيب.
وقال أحمد شوبير عبر قناة «الأهلي»: «أنا مش ضد إن الدولة تسن قوانين خصوصًا لو في الصالح العام، لكن أنا ضد إنك تهد».
وأضاف: «لما تيجي تفكر في تعديلات وفي قوانين تجيب الأهلي، أنتوا إزاي ماشيين كدة عايزين كله يبقى كدة مش أقوله كفاية عليك، هل أنت بتقابل النجاح بالإقصاء».
وأكمل: «أنا لا أستبق الأحداث، وشوفت تصريحات محترمة من وزير الرياضة، أشرف صبحي. من حقه إنه يسعى ويجتهد، ومن حقنا عليه إنه يدعم الاستقرار والنجاح والبطولات وقوة مصر الناعمة في الرياضة».
وتابع: «كل الاحترام لكل الأندية المصرية لكن الأهلي نموذج لما تيجي تتكلم على الأهلي لازم تقف وتدي تعظيم سلام. من فضلكم حاولوا تحافظوا على قوتنا الناعمة، هتقول هي القوة الناعمة مرتبطة بأشخاص؟ نعم، وناس بتعرف تخطط وتنظم».
