هاجم أحمد حسام «ميدو»، عضو لجنة التخطيط بنادي الزمالك، مجلس إدارة الأهلي، بسبب مفاوضاتهم مع أكثر من لاعب في صفوف الأبيض.
وقال ميدو في تصريحات عبر قناة «أون سبورت»: «الأهلي قعد مع زيزو، وبيحاول كل المحاولات إنه يضم زيزو وقعدوا مع والده وحاولوا يضمو اللاعب».
وأضاف: «وفي 5 أو 6 لاعيبة صغيرة، الأهلي كل هدفه إنه يوقع معاهم. هدف مجلس الأهلي إنه يوقع مع لاعيبة الزمالك».
وأكمل: «الأهلي تواصل مع سانت إتيان عشان يضم بنتايك، ونجحنا إننا نفعل بند شراء اللاعب، وده انتصار كبير لينا، عشان لما تشوف المنافس بتاعك بيحاول يضم اللاعيبة بتاعتك وأنت تنجح».
وتابع: «هي الشطارة مش موجودة غير على لاعيبة الزمالك لو الهدف الرئيسي بتاعكم كدة؟!».
