خرج أحمد سيد زيزو لاعب الفريق الأول لنادي الزمالك، عن صمته، في ظل الأوضاع الحالية، والحديث عن توقيعه للنادي الأهلي والانتقال إليه في نهاية الموسم.
وكشف الإعلامي هاني حتحوت، تصريحات على لسان أحمد سيد زيزو، في برنامجه الإذاعي.
وقال حتحوت: “زيزو اتصل بيا كانت الساعة 3 وثلث فجرا في مكالمة مدتها 53 دقيقة حكى فيها كتير أوي عن مستقبله والأيام الماضية”.
أضاف: “زيزو قالي هو في غاية الاحباط من ما حدث معه في الشهور اللي فاتت والدي تعرض لعدم احترام من المسؤولين وهو مش اقل من الموجودين”.
أكمل: “والدي هو وكيلي مومن حقه يأخذ العمولة، كنا ندخل في جلسة من أجل التجديد، ونخرج منها نلاقي كل الناس عارفة التفاصيل”.
وتابع: “الفارق أن بين المجلس الحالي والماضي، أن مرتضى منصور كان بيبعت عربية لأبويا في المنيا عشان يجيبه ويحط المبلغ اللي هو شايفه عشان عارف أنه هيقدرني”.
وأردف: “أزمتي في الزمالك ليست المالي ولكن هي التقدير، تم تغيير 7 مجالس إدارة عليا وعمرو ما تحدثت عن أي أزمة، حتى لما هشام نصر طلع قال إني عاوز 60 مليون جنيه وانا مكنتش قولت كدا”.
وأوضح: “الزمالك واللي عاملني وهو اللي شهرني، ولكني اشتغلت كتير على نفسي لغاية ما بقيت رقم واحد والوحيد اللي ترشحت لجائزة أفضل لاعب في أفريقيا”.
وأضاف: “ميدو طلع هاجمني في أحد المباريات وقال هو ده اللي عاوز الملايين دي كلها .. حسين لبيب قالي وإحنا جايين من المغرب إحنا بنحاول نتصرف في الفلوس بتاعتك وفيه فيلا كمان هنديهالك”.
وشدد: “ميصحش عمرو الجنايني وهو راجل محترم يقول للوسيط، لو زيزو مردتش خلال اسبوع هنزل بيان يوضح فيه رغم إني كنت بتحايل عليهم عشان أجدد”
وأكمل: “أنا رحت لشيكابالا بعد رفض عرض من الخارج وقولتله أرجوك اتصرف مع الإدارة عشان أجدد”.
واختتم تصريحاته: “عرض الزمالك هو الأقل حاليا من ضمن العروض، المحلية والخارجية وعرض الأهلي ليس هو الوحيد اللي في مصر”.
