كشف أحمد مصطفى«زيزو»، نجم الفريق الأول لكرة القدم بنادي الزمالك، تعرضه لهجوم كبير من حسين لبيب رئيس النادي، وأحمد حسام «ميدو» وعمرو الجنايني، عضوا لجنة التخطيط بالقلعة البيضاء.
وتتصدر أزمة أحمد مصطفى «زيزو» محركات البحث في ظل اقترابه من التوقيع للنادي الأهلي بعد نهاية عقده مع الزمالك والمقرر له نهاية الموسم الجاري.
وقال زيزو، في تصريحات نقلها الإعلامي هاني حتحوت، عبر إذاعة «أون سبورت اف ام»:«مجلس إدارة الزمالك بقيادة حسين لبيب، وأحمد حسام ميدو، وعمرو الجنايني، هاجموني، رغم إني عمري ما عملت أزمة في النادي».
وتابع:«ميدو قال (هو دا اللاعب اللي عايز مائة مليون جنيه)، وحسين لبيب قالي في الطائرة واحنا راجعين من المغرب (مش هندفع المقدم اللي اتفقنا عليه لأنه كتير والنادي هيشيل جزء وممدوح عباس جزء، وبعد سنتين يكون في فيلا)، وكل جلسة كنت بطلع أشوف الناس على السوشيال منزلة تفاصيلها».
وأكمل زيزو:«عمرو الجنايني، هو الوحيد اللي بحترمه ورديت عليه الفترة الأخيرة، بس هو كمان بعت وقال مع الوسيط (زيزو معاه أسبوع ويرد علينا)، لأ مش معايا أسبوع طبعًا».
