اعترف حازم إمام عضو لجنة التخطيط في نادي الزمالك، أنه وافق على الانضمام لهذه اللجنة، بسبب ارتباطه الوثيق بالقلعة البيضاء، مشيرا إلى أنه من أبناء الفارس الأبيض.
وقال حازم إمام خلال تصريحات فضائية عبر شاشة «دي إم سي»: «ناس كتيرة قالتلي انت ليه بتعمل في نفسك كدة، انت كدة بتحرق نفسك. أنا عارف إني بحرق نفسي لأني جيت في وقت صعب جدا، ولكن أنا كابتن نادي وابن الزمالك، ومش ممكن أقول لأ».
وتابع: «في اعتقادي أي زملكاوي لو اتعرض عليه يجي في وقت زي ده مش هايقول لأ، وانت مش بتبص لفكرة إنك هاتشيل الليلة. وأنا عارف إني هاطلع على المسرح وأكيد خسران مية في المية، والكل في العموم بيفتكر الغلط مش الصح اللي انت بتعمله».
وزاد: «على المستوى العقلي، في موقف زي ده المفروض أرفض فكرة الانضمام للجنة التخطيط، ولكن زي ما قولت انت مش بتبص للموضوع من الناحية دي».
