رد الإعلامي أحمد شوبير على ما يتردد من بعض منافسي الأهلي حول مصدر أموال النادي التي يبرم بها الصفقات الكثيرة في الفترة الحالية، وسر نجاحات المارد الأحمر المستمرة.
وقال أحمد شوبير في تصريحات إذاعية اليوم: «إمبارح رئيس نادي مونبلييه الفرنسي، قال لم نتلق أي عرض من النادي الأهلي لضم الجناح الأردني موسى التعمري، فأحنا نقوم نسيب رئيس النادي بقه ونفضل نقول اه الأهلي عرض 6 مليون و10 مليون و50 مليون وكنز الأهلي، اه فعلا الأهلي وقع على كنز ومش من النهاردة ده من زمان».
اقرأ أيضًا: شوبير يكشف حقيقة انضمام معلول لفريق في مصر حال الرحيل عن الأهلي
وأوضح أحمد شوبير: «كنز الأهلي اسمه الاستقرار ناس عندها أولويات وعندها شغل بتقوم بيه ولما يكون فيه أخطاء بتشتغل عليها وبتعالجها، كنزه إن بيحصل عى البطولات الأفريقية فبيزود رعاياته ويخلي ييجي له عروض رعاية كثيرة هو ده الكنز يا جماعة».
وأضاف شوبير ساخرا من مرددي مثل هذا الكلام: «احنا عندنا للأسف ثقافة الشماعة، لما أغلط لازم أشوف شماعة، فتيجي يقول لك أصل الأهلي عنده فلوس أصله بياخد بطولات، طيب يعمل أيه بلاش يفوز وياخد بطولات، خليك شاطر وأعمل زيه».
واختتم شوبير: «أنا مثلا من الناس التي لا تهاجم بيراميدز ومعجب بما يقوم به، فقد بات منافسا قويا وبيكسب الزمالك والأهلي أه عندهم أخطاء لكن فيه حاجة صح بتحصل ناس اشتغلت بشكل كويس وعندهم إمكانيات».
