كشف أحمد مرتضى منصور، عضو مجلس إدارة الزمالك السابق، عن سبب انسحاب الزمالك أمام الأهلي في موسم 2020.
وقال أحمد مرتضى منصور في تصريحات عبر «بودكاست»: «فكرة انسحاب الزمالك من مباراة الأهلي الشهيرة بتاعت الأتوبيس كانت فكرة الأستاذ مدحت العدل وأحمد عفيفي وإن احنا نلعب بالناشئين ولكن مرتضى منصور رفض وقال إن ممكن كده نخسر.. والاتوبيس موصلش يومها».
أضاف: «كان قرارنا صح بالانسحاب لأن أنا كنت كسبان بطولتين وفرحان والأهلي كان عاوز يلعب المباراة علشان يفسد علينا فرحتنا وينكد علينا».
وتابع: «الأهلي كان عاوز يعوض خسارته وأنا كان عندي ماتش مهم أمام الترجي في أفريقيا، وكمان كان إمام عاشور عامل مشكلة مع وليد سليمان وقتها فكان هيحصل احتقان».
وأتم: «الأهلي مش محتاج يستفيد، لأنه قوي من غير حاجه، وأكيد في ظلم للزمالك في بعض الأحيان، والأهلي برده».
وعن عودته للترشح في انتخابات الزمالك من جديد أتم تصريحاته: «صعب أرجع بعد اللخبطة دي ولا يهمني ما قيل عن المديونيات اللي كانت علينا».
