وجهت قناة النادي الأهلي رسالة تحذير إلى مارسيل كولر، المدير الفني للفريق الأول.
يأتي هذا على خلفية تراجع نتائج الفريق خلال الفترة الماضية، وانتشار تقارير إعلامية تشير لاحتمالية رحيل المدرب السويسري.
وقال عدلي القيعي، رئيس شركة الكرة السابق بالنادي الأهلي ومقدم برنامج ملك وكتابة، عبر برنامج «ملك وكتابة»، على قناة النادي: «كولر رجل محترم وشوفناه بيحط معيار عادل اللي يتمرن كويس يلعب، لكن مع الوقت لقيناه لما بيقلب على حد مش بيعدي زي موسيماني».
وأضاف: «إيه حكاية المدربين اللي حاطين اللاعيبة (نِقر بنِقر دي)، يا دماغي تمشي زي ما أنا عايز يا لا».
وأكمل: «يا أخي خلي عندك قدر من المرونة، وفي المؤتمرات الصحفية حادف المسؤولية براه. لا ميصحش. متفقدش علاقتك بالإدارة ولا اللاعيبة، وتكون علاقة كويسة معاهم».
وزاد: «مش عايزينك تبهرنا بأفكار مفاجئة، عايزينك راجل كلاسيكي على قد عقولنا احنا وألعب بالناس في مراكزها».
وأردف: «أنزل على أرض الواقع شوية، يشعر إنه مش في أوروبا، وإذا كان في سويسرا الدنيا مش فارقة معاهم والكورة مش فارقة معاهم أوي، لكن لو في دول تانية كان هيشعر بالضغوط اللي بيشعر بيها في مصر».
