كشف الإعلامي إبراهيم فايق، مساء اليوم الإثنين، مفاجأة في موقف حارس المرمى محمد الشناوي، من تجديد تعاقده مع النادي الأهلي.
قال إبراهيم فايق، في تصريحات عبر قناة «إم بي سي مصر 2»: «بنسبة 90% كل حاجة خلصت في ملف تجديد عقد محمد الشناوي مع النادي الأهلي».
وأضاف: «وعندي معلومة مؤكدة إن محمد الشناوي اتفق مع محمد رمضان على كل الأمور الماضية، من قبل انضمام زيزو ومحمود حسن تريزيجيه وأشرف بن شرقي».
وتابع: «لإن الـ 3 دول جايين بأرقام حلوة، والشناوي اتفق برقم معين قبلهم، فمن الطبيعي إن لما الشقاوة دي تحصل اللاعب يطلب زيادة».
وأكمل: «لكن محمد الشناوي لم يطلب حاجة تانية من النادي الأهلي وكلمته واحدة، والرقم اللي اتفق عليه راضي عنه، ومش عايز يعدل حاجة».
