انتقد أحمد شوبير بشدة ما حدث من أحمد فهيم عضو مجلس إدارة النادي الإسماعيلي بعد الاعتداء على الحكم نادر قمر الدولة في أرض الملعب أمام الجميع.
كان نادر قمر الدولة قد احتسب ركلة جزاء لصالح طلائع الجيش على الإسماعيلي في مباراة الفريقين التي أقيمت مساء الجمعة ليمنح الطلائع الفوز في الدقيقة الأخيرة.
وقال شوبير: «الحكم حسب بنالتي على الإسماعيلي فأحمد فهيم نزل الملعب واعتدى على الحكم، ونادر قمر الدولة بدوره راح النيابة وعمل بلاغ، الأجمل إن اتحاد الكرة قال القرارات في الواقعة خلال 48 ساعة».
وأوضح شوبير: «طيب هل حولناه هو ورئيس النادي للجنة الانضباط هل صدر قرار بإيقافه لحين التحقيق معاه؟، ما هو لازم أنت كده فاتح الباب على البحري لأي حد عايز يعمل أي حاجة أراهنكوا إن كان فيه قرار طلع بإيقاف عضو مجلس إدارة الإسماعيلي أحمد فهيم».
وتابع شوبير: «كده ما ينفعش يعني مثلا الحكم ياخد معاه 6 بودي جارد في الماتش اللي جاي ولا ياخد حراسة ولا أيه يعني عشان هذا الأمر ما يكررش».
وأضاف حارس الأهلي السابق: «خليك حاسم في قرارك لإن خلاص الواقعة فات عليها 48 ساعة كان لازم يتاخد فيها قرار أي حد ينزل الملعب لازم يبقى فيه قرار ضده».
