علق اللاعب شريف إكرامي، حارس مرمى نادي بيراميدز، الهجوم الشديد الذي يتعرض له اللاعبين، بعد انتقالهم من نادٍ لآخر.
وأكد إكرامي على أن، انتقال أي لاعب من نادي لآخر، احتراف وليست خيانة، كما يقطع البعض أحكام حسب المزاج والمصلحة.
وكتب شريف إكرامي عبر منصة «إكس»:«نفس القرار ممكن يتقال عليه خيانة من لاعب واحتراف من لاعب تاني مش علشان التصرف مختلف، لكن علشان القميص اختلف.. الأحكام بقت حسب المزاج والمصلحة، مش المبدأ..».
وتابع: «تسمع نفس الأشخاص بيقولوا عكس أحكامهم القديمة والتبرير بقى فن بيتفصّل على مقاس الانتماء مش على مقاس الحقيقة.. الإدارات بتوجه، والإعلام بيغذي العاطفة، والجمهور في النُص ضحية الجميع..
وأوضح: «الاحتراف مش كلمة تتقال حسب المصلحة ولا تتشال وقت الغضب، ده الواقع وأساس اللعبة.. زي ما النادي حر، اللاعب كمان حر، قراره صح أو غلط مش مهم لان مش ده الموضوع، الاهم أن الاختلاف في القرار لا عمره كان خيانة ولا قلة أصل ولا ليه علاقة بضعف أو قوة الانتماء..».
وأتم: «الموضوع مش قرارات اللاعبين أو الأندية.. اللي محتاج يتغير هو النظرة، طريقة التفكير، والأحكام على القرارات نفسها».
